
【親子地產】地產經紀反口唔回8成佣 網民教要識寫回佣紙
不論買樓、租樓,如是通過地產代理,都需要付代理佣金。有些代理在這個「爭崩頭」的市場會向準業主或準租客提出「回佣」,有網民指代理反口不回佣,向網民求救怎麼追究,引發網民討論。
有網民在「業主銀主筍盤」Facebook群組問「如果個Agent應承你回8成,之後唔不了了之點算?怎麼追究?」
白紙黑字簽下回佣紙
網友Benson Lxx教路要簽回佣紙,「記得要分區同董事簽咗名你先好買,如果遇上所謂咩代理或咩簽名分區無做,唔駛驚,你有回佣紙間行一定回比你,白紙黑字寫明,我未聽過可以走到數,大行唔會為果小小錢搞臭自己個名。上網睇下新聞好多關於回佣問題,一上傳媒,大行就即刻同買家私下和解解決。」
網友Chi Chxx補充「仲要寫清楚回樓價幾多、例如發展商回2.5%俾代理、要寫清楚回樓價既2%、因為好多時只寫回2%到時會反口話回佢收到份佣入面嘅2%、差好遠架,多年經驗、無寫清楚一定反口。」
但有人表示「無得追 唔會留案底 最多你投訴佢 佢同老闆夾好扮比佢罵幾句,唔通你公審佢?」、「 口頭上係無用嘅」、「口講無憑,走你就走你,只怪自己刻薄食得太盡兼又傻又天真!」
回佣8成是否過份?
不過,亦有網友覺得「去到咁盡要人回8成都幾過份」,籲樓主要將心比己:「其實有冇諗過啲佣係agent人工?你要佢回即係扣緊佢人工,不如倒番轉問你老闆扣你8成工資你制唔制?當然都有啲agent靠回佣來吸引人買,個啲agent簡直又係做壞市場,但係要求agent回八成既客又點解唔諗下你係拎緊agent既血汗錢?拎完agent得雞碎咁多仲多仲要同公司分?你估落袋真係會好多,仲要樓花等兩年先出糧,辛辛苦苦幫你處理一大堆文件仲要份糧比八成比你,仲要等發展商先出到糧。」
網友Fellow Lxx就話,「君子愛財,取之有道!經紀都要食飯的!我2年前買果層新樓都係任個經紀開回幾多.最緊要大家都揾到食,大家開心啦!……經紀都有付出嘅!上我公司俾資料我睇,車我去售樓處,再車埋我一家人去地盤睇附近環境,呢啲都係成本嚟嘅!又或者咁講,大家互相利用,佢幫我揾盤賺佣,我買到啱心水嘅盤收租,雙贏囉!」
一手住宅物業銷售監管局提醒,地產代理自願私下向其客戶提供優惠(包括任何送贈或現金回贈),並不屬條例監管範圍。準買家也應留意以下2點:
.由賣方提供的折扣、贈品,或任何財務優惠或利益,賣方必須在價單列出。準買家應細閱價單。
.由賣方以外的任何第三者承諾向你提供的優惠(包括任何送贈或現金回贈),宜格外留神。為免爭拗,宜要求該第三者以書面向你作出有關承諾。因為在沒有書面證據的情況下,難以證明該第三者曾作出有關承諾或違背有關承諾。
來源:一手住宅物業銷售監管局、「業主銀主筍盤」Facebook群組
-
唔少爸媽為小朋友養車,關注車位市況。隨著經濟轉好,純車位交投亦見活躍。據美聯物業房地產數據及研究中心綜合土地註冊處資料顯示,5月份純車位註冊量錄954宗,較4月份453宗按月急升逾1.1倍,創今年新高。1 year ago
-
疫情緩和,樓市回暖。美聯物業房地產數據及研究中心綜合土地註冊處資料顯示,5月份二手居屋(包括已補地價的自由市場及未補地價的第二市場)註冊量錄552宗,較4月份301宗急升約83%,並創9個月新高。1 year ago
-
第五波疫情漸退,樓市迅即反彈。利嘉閣地產研究部數據顯示,4月全港50個指標屋苑的加權平均實用呎價轉跌為升,報$15,146,為連跌7個月後首度回升,並創今年以來的4個月新高。想買樓置業的家庭想留意樓價動向。1 year ago
-
每年新居屋都爭崩頭,房委會公佈7個新居屋2022的樓書和簡介,本文將逐一介紹7個樓盤賣點、缺點等,幫大家做足功課,最平單位首期唔使8萬,係好多無殼蝸牛的首選。作為家長,若想買校網,哪兩個屋苑最吸引?而大家庭又有咩選擇?1 year ago
-
回顧2021年,樓市依照大旺,二手居屋入市門檻較低,加上政府推行「白居二」,成為不少家庭的上車選擇。 美聯物業房地產數據及研究中心綜合土地註冊處資料顯示,二手居屋去年的註冊量創10年新高;註冊金額首次突破300億元水平,達361.6億元,並創歷史新高。1 year ago